[古代思想入門（一）ep.22]荀子經濟學，足國之道——富國篇

我地由勸學開始
已經接觸過荀子對外在世界嘅諗法 
面對其他諸般學說嘅有非相、非十二子
現實政治管理嘅有王制、王霸、君道、臣道
強調軍事政策嘅有議兵、彊國

我地接下來講嘅呢篇，係講經濟學 
上面講嘅政治軍事其實都係需要國家嘅財政支撐
一個國家如果幾有理想，無錢都係無用
荀子深明呢個道理，特別寫下富國篇
提出佢點樣搞好國家經濟嘅諗法

荀子 富國篇第十
足國之道：節用裕民，而善臧其餘。節用以禮，裕民以政。彼裕民，故多餘。裕民則民富，民富則田肥以易，田肥以易則出實百倍。上以法取焉，而下以禮節用之，餘若丘山，不時焚燒，無所臧之。夫君子奚患乎無餘？故知節用裕民，則必有仁聖賢良之名，而且有富厚丘山之積矣。

我地之前講過禮論篇，有兩個重要概念 
1.「養人之欲，給人之求」，恰當地滿足人類嘅慾望
2.「貴賤有等，長幼有差」，分配資源係按唔同位置作標準
富國篇連結上面兩者，提出「足國之道」
即係國家富足嘅方法，強調「足」而非「富」 
因為荀子了解到人類嘅慾望係無限
由「別」而「養」先能節制滿「足」

「節用裕民，而善臧其餘」
荀子主張節流，儲蓄物資，人民才會富裕
用禮制之「別」節省，以政策之「養」富民
裕民之政＞人民富足＞努力耕田＞生產提升＞農作物多到成座山咁＞多到無位放，燒都燒唔哂
只要可以「節用裕民」
就會有「仁聖賢良之名」同「富厚丘山之積」啦 

兼足天下之道在明分：掩地表畝，刺屮殖穀，多糞肥田，是農夫眾庶之事也。守時力民，進事長功，和齊百姓，使人不偷，是將率之事也。高者不旱，下者不水，寒暑和節，而五穀以時孰，是天之事也。若夫兼而覆之，兼而愛之，兼而制之，歲雖凶敗水旱，使百姓無凍餧之患，則是聖君賢相之事也。

刺屮殖穀：剷除雜草，種植穀物

荀子強調「明分」係管治天下嘅方法 
即係話，有仁義道德嘅人做上位者，指導百姓做正確嘅事
農夫眾庶＞耕田施肥
將令統率＞掌握農時，團結百姓，唔好比人偷懶
自然天＞令農作物按時成熟
聖君賢相＞愛護、管治百姓，就算有天災，但百姓唔會出事

天下之公患，亂傷之也。胡不嘗試相與求亂之者誰也？我以墨子之「非樂」也，則使天下亂；墨子之「節用」也，則使天下貧，非將墮之也，說不免焉。墨子大有天下，小有一國，將蹙然衣粗食惡，憂戚而非樂。若是則瘠，瘠則不足欲；不足欲則賞不行。墨子大有天下，小有一國，將少人徒，省官職，上功勞苦，與百姓均事業，齊功勞。若是則不威；不威則罰不行。賞不行，則賢者不可得而進也；罰不行，則不肖者不可得而退也。賢者不可得而進也，不肖者不可得而退也，則能不能不可得而官也。若是，則萬物失宜，事變失應，上失天時，下失地利，中失人和，天下敖然，若燒若焦，墨子雖為之衣褐帶索，嚽菽飲水，惡能足之乎？既以伐其本，竭其原，而焦天下矣。

荀子認為今時今日天下咁亂
正因為有人惑亂人心、損害社會，呢個人就係墨子啦 
墨子講「非樂」同「節用」，都係主張人類禁慾
咁自然令人「衣粗食惡，憂戚而非樂」
當生活無嘢值得追求，咁獎罰都係無用，因為無咩值得享受
獎罰無效＞有德行嘅人無法任高位，無德行嘅人唔會降職＞萬物都唔係恰當嘅位置

「伐其本，竭其原，而焦天下」
荀子講嘅節約，並唔要求人禁慾
因為禁慾對國家經濟係充滿弊端，而且大違人性本質 
荀子嘅「足」，係建築係「養」、「別」，恰如其分咁滿足人嘅慾望
如果好似墨子咁講，經濟之本源斷絕，咁天下又點會富足呢？